- Ցանկացած տարիքում մարդու կյանքում կարևոր տեղ ունի մարմնամարզությունը: Մարմնամարզությունը հատուկ ընտրված ֆիզիկական վարժությունների խումբ է, մարմինը կրթելու մի ձև որը կարող է կազմակերպվել տարբեր ձևերով: Մարմնամարզությամբ կանոնավորապես զբաղվելիս զարգանում է երեխաների շարժողական գործունեությունը: 2 տարեկանից սկսած՝ երեխայի հետ հարկավոր է անցկացնել ճիշտ կեցվածք ձևավորող և ամրապնդող, վարժություններ պարունակող ամենօրյա մարմնամարզություն: Մարմնամարզությունը ունի առողջարար նշանակություն և համարվում է մանկապարտեզի օրվա ռեժիմի պարտադիր մասը; Խոսենք նախակրթարանում մարմնամարզության անցկացման կարևորության մասին: Փոքր տարիքից երեխաների գիտակցության մեջ ձևավորվում է առողջ ապրելակերպը և մարմնամարզությունը որպես առողջ ապրելու բաղադրիչ: Մարմնամարզությունը նախակրթարանում կարելի է կազմակերպել տարբեր եղանակներով: Սկզբնական մասում կարելի է թեթև վարժությունների միջոցով տաքացնել մկանները,չմոռանալով թեթև հագուստի մասին, որից հետո մարզական խաղեր կազմակերպել: Դաստիարակի կարևոր գործառություններից մեկն է կարողանալ բոլոր երեխաներին ներգրավել խաղի մեջ: Դաստիարակը իր օրինակով պետք է ցույց տա վարժությունը, լինի նախաձեռնող և հավասար մասնակցություն ունենա խաղին: Մարզական խաղերի շնորհիվ երեխաները ձեռք են բերում զիջելու, միմյանց հարգելու ունակություն: Սովորում են թիմային աշխատանքներ կատարել և միմիանց ոգևորելու կարողություն են ձեռք բերում: Խաղի ընթացքում երեխան ծանոթանում է նաև սպորտային խաղալիքին և նրա կիրառելու ձևին: Չմոռանանք նաև որ մարզական գրեթե բոլոր խաղերի հիմքում ընկած է արագ կողմնորոշվելու ունակությունը։
Ռոդարիական Մարզական խաղեր
Նոր կյանք թափոններին 2
Մարզական առավոտ
Ինքնաշեն լաբիրինթ
Ամանորյա ինքնաշեն խաղ։
Կոմիտասյան երգերի շարք+ Ռոդարիական մարզախաղեր
Մարզական օր վերապատրաստվողների հետ
Բակային մարմնամարզություն
Բուրիկ Հովսեփյան 